Haan, periods ke dauraan exercise karna zyada tar cases me safe hota hai, agar aap apne body ke signals ko samajh kar karein.
Jyaadaater women ke mann me yeh doubt hota hai ki periods me workout karna sahi hai ya nahi. Kuch logon ko lagta hai ki isse bleeding badh jaayegi ya pain zyada ho jaata hai.
Reality thodi alag hai.
Periods Me Exercise Karne Ke Fayde –
Periods ke time light to moderate exercise karne se kaafi benefits mil sakte hain:
1. Period Pain (Cramps) Me Relief
Exercise se body me endorphins release hote hain, jo natural pain-killer ka kaam karte hain. Isse lower belly pain aur back pain thoda kam feel ho sakta hai.
2. Mood Better Hota Hai
Periods me irritability, anxiety ya low mood common hota hai. Par Workout se stress kam hota hai aur mood thoda fresh lagta hai.
3. Blood Circulation Improve Hota Hai
Body Movement se blood flow better hota hai, jisse body heavy ya sluggish feel nahi karti.
4. Energy Level Stable Rehta Hai
Complete rest lene se kabhi-kabhi aur zyada thakaan lag sakti hai. Light activity se body me energy balanced rehti hai.
Periods Me Kaunsi Exercise Best Hoti Hai?
Har ek body alag hoti hai, lekin generally exercises safe maani jaati hain jaise – Yoga & Stretching, Light Walking, Slow jogging…
Note: Agar aap comfortable feel kar rahi hain to hi karein.
Periods Me Kaunsi Exercise Avoid Karni Chahiye?
Niche kuchh cases me exercise avoid ya kam kar sakte hai jaise –
Jab Bahut zyada bleeding ho, Severe cramps ya dizziness ho, Extreme weakness feel ho…
Avoid kre ya limit me karein jaise –
Heavy weight lifting, Very intense HIIT, Over-exhausting workouts…
Body Ki Sunna Sabse Important Hai
Periods me koi strict rule nahi hota.
Agar aapka body allow karta hai, to exercise faydemand ho sakti hai.
Agar body mana kar rahi hai, to rest lena bhi bilkul theek hai.
Note: Exercise choice aapke comfort level par depend karti hai.
Final Summary
Periods me exercise allowed hai
Light aur moderate activity beneficial hoti hai
Heavy pain ya weakness me rest bhi zaroori hai
